ຫ້ອງການ ກຊສ ຈັດກອງປະຊຸມ ເຜີຍແຜ່ຂໍ້ຕົກລົງ, ຜ່ານແຜນການເຄື່ອນໄຫວ ປະຈຳປີ 2020 ໃນຕອນເຊົ້າຂອງວັນທີ 30 ມັງກອນ 2020 ໜ່ວຍຊາວໜຸ່ມ ຫ້ອງການ ໄດ້ຈັດກອງປະຊຸມ ເຜີຍແຜ່ຂໍ້ຕົກລົງ, ຜ່ານແຜນການເຄື່ອນໄຫວປະຈຳປີ 2020 ແລະ ຮັບຟັງການບັນລະຍາຍ ຂອງ ສະມາຊິກຊາວໜຸ່ມ ຫ້ອງການ, ທີ່ຫ້ອງປະຊຸມ ກະຊວງ ຊັບພະຍາກອນທຳມະຊາດ ແລະ ສິ່ງແວດ ລ້ອມ, ພາຍໃຕ້ການເປັນປະທານຂອງ ສະຫາຍ ປອ ລີວາເມັງ ບົວປາວ, ກຳມະການໜ່ວຍພັກ, ຮອງຫົວໜ້າຫ້ອງການ, ມີເລຂາໜ່ວຍຊາວໜຸ່ມ, ຮອງເລຂາໜ່ວຍ, ກຳມະການໜ່ວຍ ພ້ອມທັງສະມາຊິກຊາວໜຸ່ມພາຍໃນຫ້ອງການເຂົ້າຮ່ວມ.

ກອງປະຊຸມໃນຄັ້ງນີ້ ແມ່ນເພື່ອຜັນຂະຫຍາຍທິດທາງແຜນການ ແລະ ການເຄື່ອນໄຫວວຽກງານ ຕາມເນື້ອໃນມະຕິກອງປະຊຸມໃຫຍ່ຄັ້ງທີ II ຂອງໜ່ວຍຊາວໜຸ່ມ ຫ້ອງການ ໃຫ້ປະກົດຜົນເປັນຈິງ, ໃນກອງປະຊຸມດັ່ງກ່າວ ໄດ້ຜ່ານຂໍ້ຕົກລົງ ວ່າດ້ວຍການແບ່ງຄວາມຮັບຜິດຊອບພາຍໃນຄະນະໜ່ວຍຊາວໜຸ່ມຫ້ອງການ, ຜ່ານຂໍ້ຕົກລົງ ວ່າດ້ວຍການແບ່ງຈຸ ຂອງໜ່ວຍຊາວໜຸ່ມຫ້ອງການ, ຜ່ານແຜນການເຄື່ອນໄຫວວຽກງານຂອງໜ່ວຍ ປະຈຳປີ 2020, ຜ່ານແຜນການເຄື່ອນໄຫວຂອງນັກສຳມະນາກອນ, ສະຫຼຸບລາຍງານຈຳນວນເງິນຄັງຂອງໜ່ວຍ ພ້ອມທັງຮັບຟັງການບັນຍາຍຈາກສະມາຊິກຊາວໜຸ່ມ ໃນຫົວຂໍ້: ການພັດທະນາແບບຍືນຍົງຕາມສະພາບຈຸດພິເສດຂອງ ສປປ ລາວ ແລະ ຮັບຟັງການບັນຍາຍກ່ຽວກັບັ້ມວຍເທຄວັນໂດ້ ນຳອີກ.